ادارة الستوك Merged

ادارة المخزون من اساسيات التجاره و للأسف في سله ما تقدر تضيف مخزون اذا قرب انتهائة, لازم تنتظر المخزون يصير صفر بعدين تضيف الكميات الجديده، لان بعض المنتجات تكون محجوزه وقت اضافة المنتجات و تجي انت تضيف مخزون ف تصير لخبطه او يجيك طلب جديد وقت الاضافه و انت ما انتبهت له.

مثال:

عندي منتج ظاهر لي انه باقي منه 10 حبات لحظة اللي دخلت عليه و يحتاج تعبئة مخزون جديد
قررت اضيف 100 حبه للمخزون
المفروض يصير عندي المخزون الجديد 110 حبات

المشكله وين؟

مشكله رقم 1:
على ما انا ادخل الكميه و احفظ الاعدادات ممكن يجي طلب جديد و تكون الكميه الفعليه 9 حبات قبل اضافة المخزون و انا معتمد ان عندي 10 حبات ف يصير عندي لخبطه في الجرد

مشكله رقم 2 :

ممكن يكون فيه كمية من منتج محجوزه لعميل ما و مخصومه من الستوك وانا ما ادري عنها خصوصا اوقات الخصومات اللي فيها طلبات كثير و تبي تلحق تعبي مخزونك الناقص و تجي تدخل الكميه الجديده بعد ما اخذت ملاحظه بالمخزون الناقص و فجأه العميل ما يتمم الشراء و يرجع المنتج للستوك بعد ما انت عدلته ف يصير عندك لخبطه

الحل:

1- لا يتم حجز أو خصم المنتج لاي سبب كان الا بعد تمام عملية الدفع.
2- عملية اضافة الستوك تكون منفصله بحيث اني ادخل الكميه المطلوب اضافتها بغض النظر عن كم باقي في المستودع و يقوم البرنامج بإضافتها للكمية الموجوده مسبقا في قاعدة البيانات في لحظتها تلقائيا.

مثال:

منتج A ابي اضيف له 100 حبه اضغط زر تعديل الكميه و يكون عندي خيارين (إضافه كميه) او (نقص الكميه) بغض النظر عن كم الرقم اللي ظاهر لي في ستوك المنتج لان الرقم يتغير في اي لحظه لان الصفحه غير ديناميكيه و مو قاعده تعرض لي الستوك بشكل مباشر.

شوف الصوره المرفقه