تهيئة محرك البحث, سيئة جداً

السلام عليكم,
تهيئة محرك البحث سيئة جداً بسبب أخطاء كثيرة من متجر سلة مو معقولة 4 أشهر أحك نفسي عشان ارفع من الرانك الخاص بمتجري ويجي متجر ثاني بنفس التخصص ويرتفع بإقل من شهر بسبب سوء تهيئة محرك البحث من قبل سلة أشيئا بسيطة تقدر سله تعدلها لكن لاحياة لمن تنادي أنا جالس اخسر بسبب هذا الشي وكم من متجر جالس يخسر بسبب هذا الشي وراح اكتب النقاط الي جالسه تخلينا نخسر ومنها:

1- بعد حذف الصورة الخاصة بالمنتج سواء صورة قديمة او حبيت تغير الصورة لاتزال الصورة موجودة في سيرفرات سلة ولاتزال مؤرشفة في قوقل بسبب أن سلة ماحذفت الصورة من سيرفرها, فايعتبرها قوقل انه خطا من المتجر لذلك يسجل عليك أنه خطاء منك فاينزل الترتيب بسبب هذا الخطاء البسيط.

2- الميتا تاق, الف مره تكلمنا فيه ولاحياة لمن تنادي الميتا تاق الخاصه بالمتجر والمفروض يكون التحكم فيه من خلال لوحة تحكم الموقع لكن مافيه الا وسوم خاصة بالمنتج لكن مافيه للمتجر

3- الخط وحجم الخط سواء H1 أو H2 أو H3 في وصف المتجر لان قوقل يعتبر من الأشيئا المهمه عشان يصنف موقعك وكل ماكان عندك تحكم أكبر فيها كل مانظر.

4- الروابط الداخلية لازم لازم لازم الروابط او العناوين الداخلية في المتجر انه يتم تمييزها إلى nofollow عشان مايعتبرها قوقل روابط عشوائية وينزل ترتيب متجرك بسببها.

5- سرعة الموقع, سرعة الموقع, سرعة الموقع, سرعة الموقع, سرعة الموقع, سرعة الموقع, سرعة الموقع, سرعة الموقع, طبعاً الحجة المتبعة لدى سلة انه بسبب الصور الي يتم رفعها من قبل التاجر, لذلك اقول لفريق سلة تقدر انك تبرمج أداة تضغط الصورة دون حاجة التاجر انه ينزل الصورة في برامج لضغط الصور وفيه حلول كثيرة تقدر تجربها سلة, مافيني حيل اقعد اكتب لهم كل شوي عن حلول

6- التحكم في قناة التواصل مع الجمهور مثلاً : الواتس اب مثلاً "/whatsapp/send" , يعتبره قوقل رابط خطاء وان الرابط مكسور لذلك مافيه اي تحكم فالترتيب الخاص فيك جالس ينزل.

اخطاء بسيطة جالس تنزل ترتيب المتجر الألكتروني للاسف ومنافسيكم جالسين يعدلونها لعملائهم؟ إلى اين ياسلة